ANDROLOGİYA VƏ REPRODUKTİV TƏBABƏT ASSOSİASİYASI

Penil fraktur ilə birlikdə rast gəlinən uretral yaralanma az rast gəlinən bir patologiya olub təsadüflərin 10-30%-də rast gəlinir. Biz bu məqalədə cinsi əlaqə zamanı meydana gələn və uretranın tam qopması ilə müşaiət olunan bir klinik situasiya haqqında məlumat vermişik. Xəstə yaralanmadan 4 saat keçdikdən sonra müraciət etmişdi. Xəstəyə fiziki müayinə nəticəsində diaqnoz qoyuldu. İntraoperativ 14 fr foley kateteri sidikliyə asanlıqla salındı. Xəstəyə subkoronal penis kəsiyi aparıldıqdan sonra penis dərisi deqlove olundu. Ventralda ağlı qişanın köndələn cırılması və uretranın tam qopması müşahidə olundu. Ağlı qişaya sorulan sapla tikiş qoyuldu. Uretra spatulə edilərək uc-uca anastomoz edildi. 3 gün sonra foley kateteri saxlanmaqla xəstə evə yazıldı. 3 həftə sonra foley kateteri xaric olundu. 3 ay sonrakı kontrolda xəstədə uretral darlıq və erektil disfunksiyaya rast gəlinmədi.

Situasiyadan əldə etdiyimiz təcrübəyə əsasən deyə bilərik ki, uretroragiyanın dərəcəsi və uretranın kateterizasiya oluna bilməsi heç də həmişə uretral yaralanmanın həcmini düzgün ifadə etmir.

Andrologiya və Reproduktiv Təbabət Assosiasiyasının sədri t.e.d. İlham Əhmədovun müəllifliyi ilə "Kişi sonsuzluğunun müasir diaqnostika və müalicəsi" adlı daha bir kitab işıq üzu gördü. 

İlham Əhmədov və AMEA-nın müxbir üzvü, Azərbaycan Uroloqlar Assosiasiyasının (AUA) sədri, Andrologiya və Reproduktiv Təbabət
Assosiasiyasının (ARTA) fəxri sədri, ATU-nun Urologiya kafedrasının müdiri t.e.d. prof. Südeyf İmamverdiyev tərəfindən yazılmış Azərbaycan dilində ilk “Andrologiya” dərsliyi artıq çapdan çıxmışdır.

Azərbaycan Uroloq və Androloqlarının ənənəvi IX simpoziumu 5-7 iyun tarixlərində Azərbaycanın qədim tarixə və əsrarəngsiz təbiətə malik bölgəsi olan Qəbələdə keçiriləcəkdir.

28 fevral 2015 tarixində Andrologiya və Reproduktiv Təbabət Assosiasiyasının təşkilatçılığı və Baku Medical Plaza klinikasının sponsorluğu ilə "Kişi və qadın sonsuzluğu" mövzusunda dəyirmi masa keçiriləcək.